Putain, c'est quoi c'bordel de merde?!

Tja... I ha wider mau ä töifflüüger... Het ja so müesse cho... happy chame nid die ganz zyt si. eiglech weisis ja, aber mängisch chunnts chli usem hingerhaut...

süsch gits immer no nüt neus... no 2 prüefige. bi immer öppe am lehre... oder am schlafe.

 

16.6.09 16:05, kommentieren

Werbung


Sushi

So, iz geit mis internet ändlech wider! isch ä wuche nid gange... de weisme aube wider wie sehr me eiglech abhängig isch drvo...  

Gester isch wider mau so richtig guet gsi mit mine lütlis! zersch hei d doris, tamar u ig bi üs doheim sushi gmacht! i ha zerschte mau i mim läbe sushi gässe. isch auso no guet gsi! mir heis lustig gha. oder ömu ig, ha dr wii fasch aleini trunke... mir si du när no is carré, d tamar u ig. si isch du mit irem fründ irgendwo häre u i bi mit gilles, jody u julien umezoge. isch mau wider chli lockerer gsi aus süsch geng...

iz hani no 3 prüefige bis am mittwuch! när isch aus düre!!! ändlech! oder scho! i bi im momänt scho völlig zwüsche dene zwene wäute inne... wünschemer mängisch nume no hei z ga u ä stung speter wetti niemeh wäg vo hie... isch sone stress, so hin u här grisse zsi... u när isch ja no amerika! auso sis eiglech scho fasch drü wäute womi eifach wienes fäderli im wind desume schlänggä... aber die phase isch normau, die hani iz schones paar mau gha... i weiss werum dasi sone inneri unruhe ha u das isch scho mau guet. weme dr ursprung vomene gfüeu kennt chame viu besser dermit umga.

iz chunnt de no d simä fürnes paar täg u när gani mit mim götti z weekend uf brüssel! i fröiemi! das wird sicher super! ja u när chani d täg scho a eire hang abzeue... tja...

mi brüetsch isch übrigens gsung u zwäg wider zrugg cho vo australie u isch mitlerwile scho am greenfield-festival... :D i beniidene scho chli, i ma fasch nümme gwarte für einersits ou hei, u angerersits für anes festival!

so, i mues iz no chli hinger z sciences! chli ga rägewürm u schnägge studiere... :-S

schöns tägli! u bis gli! no 30 täg!

13.6.09 18:31, kommentieren

36 jours encore...

... no drü wuche... chas fasch nid gloube... drü wuche, när isch das ganze scho düre. u zwe drvo si eh no stressig, de geits sowieso no schneuer... no 36 täg, när bini ou vo amerika wider zrugg... ä monet.

aber i mues säge, langsam bini parat für hei. i weiss nid wieso, aber d stimmig i üsere gruppe isch immer greizt, es git viu missverständnis, nümme vo usglasseheit. bi nid sicher obs eifach dr prüefigs-stress isch für aui oder obs eifach zyt isch für wider üser wäge zga... naja.

i ha hie iz scho 5 prüefige gschribe, si gloub aui öppe einigermasse usecho. ussert geo, aber da luegemer de no... iz hani no 7 prüefige i de nächste 2 wuche.

spannends passiert im momänt nüt, bi geng am lehre... naja. aber gester simer ane theatersport-uffüerig. theatersport isch äs improvisations-theater. d.h. d zueschouer chöi am iigang irgendwelchi theme vorgä, z.b. "der apfel im urwald", oder eifach iiirgendöppis. während dr uffüerig wärde i de verschidene diszipline när so themene zoge u d schouspiler müesse eifach grad improvisiere. eis stück geit aube es paar minute, nid meh. isch lustig gsi!!!

so, i gamer iz gane fium usläse ir videothek u villich ä glace... bonne soirée! et à bientôt!

6.6.09 21:49, kommentieren

Je panique...

Eiglech würdi ja gärn studiere, wenn nur das lehre nid immer wär... man. im momänt wirdsmer grad chli zviu. has so lang usegstüdelet bisi eifach heeeenne im stress bi! z franz zum bispiu hani letscht samsti wöue abschliesse. tja, fertig bini immer noni u es isch zischtig abe am 11i... z wasser stigt u stigt... i weiss, i sötmi nid beklage, i chönntmers ja säuber iirichte. aber ja.

drfür hani aber hüt realisiert das weni aui prüefige hie bestah (u mer aus agrächnet wird ir schwiz!), i när es meega easy letschs jahr ha ir CH! :D das isch ou guet! drum muesi iz no chli ga bügle!

schlaafit guet! u bis gli wider! i vermissenech eifach aui mega im momänt! wet das so schnäu wie müglech la düre ga die zyt!!! no 41 täg!

2.6.09 23:07, kommentieren

La Boverie

bi hüt dr ganz tag mit dr doris im "parc de la boverie" gsi, ha gsünnelet und franz glehrt... naja, ömu meh oder weniger... i ha sooo kei disziplin düre tag! am aabe erwachet aube ersch mini arbeitswuet, weni dr druck vor nacht langsam z gspüre berchume und d bedrohig vo de schwindende stunde schlaf mi zu meisterleistige aatribt... denn bini produktiv... naja. aber ame schöne nami im park, nene johann, denn bini eifach nid effizient...

usserdäm bini grad zfride wines schitt über mini neusti errungeschaft! ä knallorangi koffere! die het sogar VIER redli! das heisst me mues se nid mau me zieh, das edle stück chame stosse! die hüttigi technologie isch scho immer wider überwäutigend...

Autrement, il n'y a pas d'nouvelles... bonne soirée alors et mangez beaucoup d'glaces!

1 Kommentar 1.6.09 20:59, kommentieren

Récupérer deux semaines...

Ja, mi gits no... sorry hani scho so ewigs nümme gschribe. i probiere die events vo de letschte 2 wuche müglechscht churz no z schiudere...

i ha ja am 16./17. mai aus gä für miner arbeite sowit wie müglech fertig zmache. ischmer nid ganz so glunge wieni ha wöue, aber ja... bi wider mau im hingerlig gsi. dr alex isch du scho am zischtig cho, wasmi henne het gfröit!!! :D mir heis uh gmüetlech gha! i has sooo gnosse ihn wider so nach zha!

gloub am mittwuch simer du när mit de angere is carré. i bi soöppis vo gnärvt gsi! i gloub üsi "telenovela vo liège" het langsam aber sicher ire höhepunkt definitiv überschritte u aui die chliine gschichtli si vou am crashe! isch aube nümme lustig. item. alex u i si du am donnstig ä tag nach oostende, chli as meer ah, d schueu hani übrigens am zischtig abgschlosse gha... am meer ischs natürlech cheuter gsi aus z liège u mir heinis du schnäu zwöi schrecklechi pullis gchouft unis de glichwou dr gring verbrönnt... happy simer aber du wider heizue. am samstig heimer wider mau es ässe gha bir tamar. voooou z drama!!! d tamar het ire neu typ u sini kollege iiglade, "üsi" männer vor gruppe hei du mit dene chrieg agfange, d tamar isch uf dr schiissi am chotze gsi nachere stung, iri kolleginne wo no si da gsi vor schwiz heisech gweigeret franz zrede u hei de doch gfunge die belgier sige nid aapassigsfähig, etc. i wär eifach am liebste drvo gloffe!!! naja. äs si am schluss öppe aui gnärvt gsi, usser mi schatz, däm hets gfaue! är isch eifach super, är hetsech nid la stresse u het das ganze nid so äng gseh... :D

am sunntig isch du wider ganz gmüetlech gsi. i ha düre tag haut leider immer no müesse arbeite schribe, aber süsch isch super gsi! dr fuessbau club vo liège isch denn grad meister worde am aabe und es isch eis huere fescht gsi ir stadt! eis gehuupe die ganz nacht, die beritteni polizei, eine wo si ferrari fasch het i die parkierte outos ichegmitteret u d masse wo uf de outodecher vo de im stou stehende outos hei tanzet... liège het party gha... :D

am mäntig hani hurti ire stung mini mündlechprüefig fürd uni vorbereitet u ha die gloub guet bestange. ha mega fröid gha, si hetmer gseit i heigi wärendem examen ei einzige fähler gmacht!!! :D :D :D i gloub scho das mir das liège öppis het bracht!

leider het du am zischtig dr alex wider hei müesse... sithär bini ziemli näb de schueh... i ha überhoupt kei lust meh mi zbewege, schlafe viu, bi unmotiviert u ha sicher schones kilo schoggi gässe... är fäutmer eifach grad henne!!!!!! man. i bi du grad ga mis ticket choufe für hei!!! ma fasch nümme gwarte!

mitlerwile hani aui schriftleche arbeite für das semester abgä. mit müeh u not... d doris hetmi aube müesse cho zum bett usnäh dasi bi rächtzytig zu mine präsentatione cho... man. aber die arbeite uf franz zschribe hetmer mega ghuufe für d grammatik besser zverstah! das isch eiglech super gsi!

so, das wär d churzfassig vo mine zwe wuche gsi... i mues iz mau no chli use... mi chli ga beschäftige... wenn öpper übrigens grad nüt zdüe het: d serie "how I met your mother" isch meeega luschtig! =)

so, amusez-vous bien et à bientôt!

2 Kommentare 31.5.09 22:09, kommentieren

Encore 2..........

Hamer grad ä glace gänggelet... isch schön dusse u ig mues i mim zimmer hocke für arbeite zschribe... putain la merde! aber ja... drfür freuemi henne ufe donschtig! :D dr alex chunnt denn höchstwarschinlech wider verbi. u weni iz drhinger hocke hani denn när vilich chli zyt...

no 2 täg schueu.......

alors, bonne journée, bon courage pour ceux qui en ont besoin, et profitez bien du soleil! bisous!

1 Kommentar 18.5.09 17:46, kommentieren