Premier travail en français

phu, schone wuche düre... tja, denn woni hät zyt gha afangs wuche hani natürlech nüt gmacht fürd schueu. iz chöme ja de wieder einisch meh die arbeite u prüefige ufmi zue... he, i ha nur no 3 täg schueu, när isch das semester scho düre hie!!!!!!!!!!!!! wahnsinn! da dr alex het gschribe gha obi äbe när das weekend wetti uf amsterdam cho hani du realisiert dasi wider einisch meh ir scheisse hocke wüui nüt ha gmacht... tja. amsterdam hani du wou oder übu müesse la suuse u ha drfür tag u nacht arbeite gschribe... hami soöppis vo gnärvt ab mir! wie immer, letschti minute! aber drfür chani när de nach dere mega stresswuche nones paar täg mitem alex verbringe eifach grad bevor d prüefige losgö... :-S

bi auso mega stouz, ha i 2.5 täg ä 11-sitigi gschichtsarbeit gschribe! uf FRANZ!!! normalerwiis hani genau glich lang wenise uf dütsch schribe! guet, ha vilich när chli meh site, aber glich...

am fritig bini du (gloub zerscht mau siti hie bi!) nid i usgang!!! isch mega komisch gsi... das machtmer bau chli angst! i ga nume no i usgang! naja.

drfür hani du am samstig woni darbeit ha fertig gha umso meh lust gha chli is carré zga. u es het henne dlüt gha! isch ä wichtige schuttmatch vom lièger-team gsi. mir heis cool gha!

dr gilles hetmer übrigens gseit daser zgfüeu het das woni bi acho i am liebste wider hät umgchert... är het dänkt i chömi nie würkli ah hie zliège. u iz heiger zgfüeu i sig die wo am meischte wet hieblibe, wosere am meiste gfaut... tja, so geits... u i gloub är het nidmau so unrächt... liège hetmi würkli packt!

1 Kommentar 17.5.09 14:40, kommentieren

Werbung


<3

Phu isch die zyt schnäu düre! ha ja schones zytli nümme gschribe...

letscht fritig si dr alex u kersten würkli scho aacho! hami henne gfröit! isch aber ou ganz komisch gsi, has zersch gar noni so realisiert... da 's scho ziemli spät isch gsi simer du grad diräkt hei u hei dert no chli gschnuret u si när ga lige.

womer so richtig usgschlafe hei gha simer chli id stadt. ha!  i ha henne müesse lache, die zwe manne si ga shoppe u heisech jagge u schueh gchouft... :D mir heis auso gmüetlech gha am abe simer när is carré, i "üses" far west. dert simer öppe dr ganz aabe gsi u heis guet gha.

am sunntig heimer ou kei stress gha. si no ufe märit u vo dert när i park chli ga sünnele u plättere das isch henne cool gsi! muesi auso de süsch ou no meh mache! i däm park ghörsch u gsesch vor stadt eiglech nümme! bisch wie vou ufem land! u glich hesch vom stadtzäntrum nur ca. 15min zloufe. speter simer när zu tamar u gilles, wüu ja mir drü schwizerinne ändlech üses versprochene znacht hei gmacht. het pizza gä.

leider si alex u kersten am mäntig morge scho wider witers richig holland für ga z surfe... die zyt isch viu zschnäu düre! i hoffe iz das si ufem heiwäg vilich noeinisch hie verbi chöme... wär super mega cool! aber mir wärdes gseh. ufaufäu zietsmi iz doch widr rächt gäge heizue...

12.5.09 17:14, kommentieren

Yay! :)

Si zwöi super täg gsi! erschtens heimer wider schueu (dasi das mau zu de super sache zeue hätti ou nie dänkt... ) u de gseni die lüt wider chli, u zwöitens heimers süsch eifach grad guet.

ir schueu chani iz ou scho so richtig rede u bi gspräch vo de angere chumi sogar mit! es fägt so die veränderig vo vor de ferie u ize zgseh...

am mittwuch simer am abe nachem franzkurz mit üsem mitbewohner, em julien, eis ga zieh u när no chli is carré. wär eiglech ä erasmus-party gsi, aber dert isch eifach niemer gsi u du simer du witers.

am donnsti hani nur bis am mittag schueu gha u wüus so schön isch gsi hani dr ganz nami ufem place du marché verbracht u ha d sunne gnosse. bi sogar chli brun worde... bi du grad diräckt as erasmus-ässe am abe u vo dert wider is carré. bi auso am 7.30h usem huus u am 1 am morge wider (z erschtmau sider!) heicho! jaja, das leben ist schön.

hüt hani ä mega guete bricht vom prakti übercho. ha mega fröid gha! hetmer guet da! u ja, iz gani no chli ga ufruume, wösche, etc... dr alex u dr kersten chöme ja hinech... :D fröiemi riiisig! :D

1 Kommentar 8.5.09 15:48, kommentieren

Maintenant je suis dans

Ha hüt ersch am nami schueu gha, was no so aagnäm isch... zwar für die angere vom huus nid so, da ig, weni nid würkli für öppis bestimmts mues ufstah am morge, mi wecker eifach NID ghöre u dä locker ä stung näb mim chopf cha lütte... dr julien, wo notabene ä stock witerunger wohnt, ischmi hinech cho frage obi dä nid heig vergässe abzsteue, aber nei, i ha höchstwahrschinlech drnäbe pennet... jaja, i hane gsunge schlaf...

mir hei übrigens i üsem schueuzimmer ä hypermoderni liinwand übercho... füre häuruumprojekter........ aui si meega begeisteret gsi! auso ja, i has auso ou ganz aagnäm gfunge mau z ganze biud gradus chönne z betrachte. het chli weniger äckegstabi gä weder wemer aube hei müesse ad dili ufe luege... kei witz!

i bi übrigens im fitness "i club" ufgno worde... das heisst i bi hüt so nichtsahnend are maschine gsi u ha grad ä ruhephase gha, da chunnt dr arnold schwarzenegger vor reception u gitmer zur begrüessig es küssli (wie bi üs 3 küssli gitme hie in belgie eifach eis!) u fragtmi wiesmer geit... haha! bi ganz baff dertghocket... äuso bini so regumässig dert dasermi langsam kennt... jaja...

1 Kommentar 5.5.09 23:18, kommentieren

Notre colocataire

Hüt isch gmüetlech gsi. d schueu het nacheme monet (ändlech?) wider aagfange und irgendwie hani hüt ä tag gha woni no so mit de lüt ha chönne rede... isch guet gsi. zudäm hets mega guet da gha gester aabe no mit dr doris z rede. hetmer glich irgendwie ä stei vom härz gno.

nachem franzkurs am aabe simer no mit zwöi tschechinne eis ga zie u doheim hei när d doris u ig ir chuchi no chli glace gässe u gschnuret. da isch üse mitbewohner, dr julien (nid dä vo üser clique!) cho choche u mir hei so chli afa schnure. mit ihm heimers eiglech am beste vo hie vo üsere WG. är isch schouspiler... du heter mit üs gässe, was ä säuteheit isch da aui lüt bi sich im zimmer ässe..., u mir hei du öppe 2 stung mitim plöiderlet. vou gemütlich!

isch auso aus i auem ä guete tag gsi

5.5.09 00:24, kommentieren

L'opéra

Gester isch ä gmüetleche tag gsi. i ha usgschlafe u ha när aus ersts lust gha zum coiffeur zga. das hani du ou grad gmacht u dert mi haub nami verbracht. i bi z erst mau nachem coiffeur zfride, würklech zfride! has fasch nid gloubt! bi när no chli alei ir stadt umegschlürmlet u ha d sunne gnosse. gredt hani bis dahin mit niemerem vo üsere clique, bi immerno chli am verrouchne gsi. da d tamar u ig aber scho afangs wuche hei abgmacht gha für id opere, hanire aglüte ob das no aktuell sig. si het du gfunge ja u du simer ga "fra diavolo" luege.

mega schrege opere-bsuech gsi... d tamar het näbedranne pennet u isch ab und zue bime poukeschlag liechters ufgschreckt u ig ha verzwiflet versuecht dr gschicht zfouge, ha aber leider dr text nid verstange... naja. isch drfür nur 8 euro gsi! mir hei ömu gseit mir göngi de no meh. gmüetlech ischs uf aufäu gsi...

i bi när no witers i usgang u d tamar und doris hei säuber wöue ga. isch mir ou rächt gsi.

hüt heimer eiglech am 11i aui zäme abgmacht gha für ga z picnice. auso mi tag het ja scho am 6.30h am morge agfange, wo mir sone typ vome unbekannte nummero schribt woni ou sig, mi prinz charming warti am bahnhof... tja, i hanim du gschribe i hätti aber lieber dr esu u eiglech heigi kei lust uf so ratespili so früech am morge... hami umgchert u witerpennet u bi du glatt ersch wider erwachet wo d doris bi mir am 11.10 verzwiflet het ad türe gchlopfet. tja. wider mau verpennt. woni du die angere ha iighout gha simer ad "batte" (märit) ga chäs, brot u wurst choufe u si när ga picnice. nach 2 min hets natürlech afa schiffe... naja. mitlerwile hocki wider doheim u söt no chli schaffe... mau luege wie wit dasi chume...

1 Kommentar 3.5.09 15:50, kommentieren

L'explosion

Eiglech hani hüt wöue vo mim ruhige, guete tag schribe, dasi eifach d sunne gnosse ha, alei chli bi dürd stadt zoge, ufem place St.Lambert fürnes stüngli es nickerli ha gno etc. . aber das hetsech ir letschte stung grad aus gänderet...

bi huere sauer!!! mir hei ja eiglech zdritt gseit gha dasmer es znacht mache für aui hüt. d doris u tamar si am nami zäme i park u hei dert churzerhand beschlosse si heigi kei lust u hei das ganze abgseit. i bi vor volländeti tatsache gsteut worde u finge das verdammtnomau ä frächheit! sorry, die angere mache eifach immer huere viu für üs, si choche, hei ufwand, steue es outo zur verfüegig, hei idee für züg z ungernä, aber nei, me isch ja eifach genau nüt dankbar und säuber eifach geng zfuu für ou nur ä finger chrumm zmache! weme cha profitiere isch ja guet, aber nei, investiere wotme ja nüt! gott nomau! das chöimer eifach ou nid biete! guet, julien u gilles hei du när gseit si machi z znacht bim julien. i hanes meega schlächts gwüsse gha! das isch ja würklech nid dmeinig gsi!!! i hami du aber la überrede doch ou zue z säge. hani gmacht. u när ischs so gsi das d doris ou het gseit das göng ja eiglech nid, mir chönninis ja iz nid la iilade (hetsi ja ou rächt!), auso heimer wider abgseit. tja, u da si die angere du usgflippet, si gäbisech immer henne müei u mir sägi när ir letschte sekunde ab, das sig drnäbe. tja, genau das woni scho im vorus ha gseit!!! u man, i bi eifach bi däm ganze nid gfragt worde! das schiisstmi so ah! u eiglech hätti henne gärn chli furt wöue hinech, aber weni mau dermasse sauer bi geit das eifach nümme! u das verstö iz die angere no weniger. zersch sägi die ganzi zit i wöug ga u när wöui doch nid. man, aber huere siech, d doris u tamar machemi eifach würkli soöppis vo verdammt sauer! i cha eifach nid iz mit de angere furt us när sozäges a dene uslah! i ha doris u tamar iz eifahc klipp u klar gseit das wesi soöppis entscheidi, de söuesi das eifach klar unger irem name mache u mi no klarer drushaute!!! i mues eifach immer ou dr gring häreha wenn si ä furz hei! schiisst huere ah!

so, i vergrabemi iz no chli im internet u ga när is bett. sones scheiss ändi vome tag!!!

1.5.09 21:44, kommentieren